پیدائش سے تین ماہ تک
بچے اس مرحلے پر کیا کرسکتے ہیں؟
- نومولود رونے کی مدد سے بات کرتا ہے اور 8-12 انچ کے فاصلے تک دیکھ سکتا ہے۔
- مسکرانا شروع کردیتا ہے، لوگوں اور چیزوں کو آنکھوں سے تلاش کرتا ہے۔
- شوخ رنگوں اور چہروں کو ترجیح دیتا ہے۔
- آوازوں پر توجہ دیتا ہے۔
- آنکھ ملانے کی کوشش کرتا ہے، آوازوں کی نقلیں اتارتا ہے اور ہاتھوں کو کھولتا بند کرتا ہے۔
- اپنے ہاتھوں اور پاؤں سے واقف ہوتا ہے تو انہیں منہ میں ڈالنے کی کوشش کرتا ہے۔
حساس اور مددگار دیکھ بھال کے علاوہ بچے کی ضروریات کیا ہیں؟
- جسمانی و مادی خطرات سے بچائیں
- صرف ماں کا دودھ۔
- اگر فیڈ کیا جارہا ہے تو مناسب غذائیت فراہم کریں۔
- فیڈر تیار کرتے وقت بچے سے باتیں کریں۔
- یہ عمل بچے کے لئے خوشی کا وقت بنائیں۔
- صحت کی مناسب دیکھ بھال: مثال کے طور پر حفاظتی ٹیکے دینا، پانی کی کمی دور کرنا، علاج اور حفظانِ صحت۔
- زُبان بول کر تحریک دینا (بچے کے ساتھ کھیلیں اور بات کریں۔ تصاویر دکھائیں اور کہانی سنائیں)۔
- اپنی جلد بچے کی جلد سے مس کریں (گلے لگائیں، اٹھائیں، گھر سے باہر لے کر جائیں، فطرت سے روشناس کرائیں اور بات چیت کریں)۔
- اعصابی و حسیاتی تحریک۔