سرگرمی ۱

• شرکأ سے درج ذیل سوالات پوچھیں:
  • اگر آپ کا بچہ کوئی غلط کام کرے یا پھر آپ کو تنگ کرے تو آپ کیا کرتے ہیں؟
  • خاندان میں بچوں کو نظم و ضبط سکھانے کےلئے کیا کیا جاتا ہے؟
  • آپ بچوں کو نظم و ضبط سکھانے کے لئے یہ طریقہ کیوں استعمال کرتی ہیں؟
• شرکأ کے جوابات چارٹ پر تحریر کریں۔
• نظم و ضبط سکھانے کے مثبت طریقوں کو تسلیم کریں۔ ان والدین کو سرائیں جو اپنے بچوں کو نظم و ضبط سکھاتے وقت محبت بھرے الفاظ استعمال کرتے ہیں۔
• سلائیڈز کی مدد سے مثبت نظم و ضبط کی اہمیت اور بچوں سے پیار سے بات کرنے کی ضرورت کی وضاحت کریں۔

سلائیڈ 1: جسمانی سزا اور زبانی استحصال

• بچوں کو نظم و ضبط سکھانے کے لئے ضرب نہ لگائیں۔
• جسمانی سزا کے بچوں پر مضر اثرات مرتب ہوتے ہیں۔
• بچوں کو بُرا بھلا مت کہیں، یہ بدذبانی کے زمرے میں آتا ہے۔

سلائیڈ 2: نظم و ضبط

• بچوں کو سزا دیے بغیر انہیں نظم و ضبط سکھایا جاسکتا ہے۔
• مثبت نظم و ضبط کی مدد سے بچے صورتِ حال کو بہتر انداز میں سمجھ سکتے ہیں اور انہیں یہ سمجھنے میں مدد ملتی ہے کیا ٹھیک اور کیا غلط ہے۔

سلائیڈ 3: بچوں کو نظم و ضبط سکھانا

• بچوں کے ساتھ صبر کا مظاہرہ کریں۔
• ان سے ان کے مسائل پر بات کریں۔
• انہیں مسائل کے حل تک پہنچنے میں مدد دیں۔

سلائیڈ 4: صحت کی کارکن اور کمیونٹی/سماجی کارکن کو چاہیے:

• ماں اور خاندان کو بچوں کے ساتھ پیار سے بات اور دیکھ بھال کرنے کی اہمیت بتائے۔
• انہیں یہ سیکھنے میں مدد دے کہ بچے کو مثبت انداز میں نظم و ضبط کیسے سکھایا جاسکتا ہے۔