اہم پیغامات
- بچوں کو ابتدائی دیکھ بھال، نشو و نما اور سکھانے کے مراکز میں داخل کرائیں۔ اگر ایسے مراکز موجود نہیں ہیں تو انہیں کچی کلاس میں داخل کرائیں۔
- جب بچے ابتدائی نشو و نما کی سرگرمیوں میں حصہ لیتے ہیں ان کی جملہ نشو و نما کی رفتار تیز ہوجاتی ہے۔
- میٹنگز اور سرگرمیوں میں حصہ لیں اور ایسے مراکز کو اکثر اوقات وزٹ کریں کیونکہ یہ مراکز بچوں میں عزت نفس کو بڑھاتے ہیں۔
- بچوں کو تعلیم حاصل کرنے کا حق حاصل ہے۔ یہ ضروری ہے کہ وہ سکول میں داخل ہوں اور 18 سال کی عمر تک سکول میں رہیں۔
- بچوں کو سکول میں تعلیم حاصل کرنے دیں کیونکہ ان کی تعلیم سے خاندان اور کمیونٹی کو بھی فائدہ ہوگا۔
- تعلیم کے عمل میں بچوں کی نگرانی کریں۔ ان کے سکول کے کام میں پوری طرح دل چسپی لیں۔
- بچوں سے پوچھیں کہ ان کا دن سکول میں کیسا گذرا۔ ان کے کام پر نظر رکھیں اور اس تقریب کے بارے میں پوچھیں جس میں وہ شامل ہوئے ہوں۔
- اس بات کو یقینی بنائیں کہ آپ کا بچہ بہتر نیند اور صحت بخش خوراک کھا رہا ہے۔